Gati gjysma e premtimeve të kryetarëve të komunave mbetën për t’u realizuar në muajt e fundit para zgjedhjeve.

Nga më shumë se 900 zotime u dhanë, vetëm 411 prej tyre u realizuan deri në janar të këtij viti.

Sipas Institutit GAP, që monitoron nivelin lokal, projektet kanë nisur të intensifikohen kur është duke u afruar 17 tetori.

Bekim Salihu, tha se po vërehet dinamikë më e madhe e punës e po ashtu edhe qasje më aktive në rrjete sociale.

Ndërkohë që edhe shpenzimi i buxhetit është më i theksuar në këtë periudhë, veçse ndryshimi është se nuk mund të hapin konkurse, gjë që e bënin në të kaluarën.

Por ndryshe nga GAP thonë nga Asociacioni i Komunave të Kosovës, sipas të cilëve projektet parashihen me buxhet shumë më herët, teksa një numër i madh i punëve janë bartur nga viti i kaluar në pamundësi të kryhen si shkak i pandemisë.

Sazan Ibrahimi nga AKK, tha se ndër të tjera komunat kanë pasur edhe telashe me prokurimin, por puna e shtuar nuk ka të bëjë me faktin që jemi në vit zgjedhor.