Komuna e Vushtrrisë tregon se në cilat rrugë është gjendja e rënduar pas reshjeve të shiut

19:22 | 17 Shtator 2022
E.H

Komuna e Vushtrrisë, përmes faqes zyrtare në Facebook, ka njoftuar se pas reshjeve të pandërprera të shiut, Drejtoria për Mbrojtje dhe Shpëtim që nga orët e mëngjesit është vënë në gjendje gatishmërie.

Në njoftimin e tyre thuhet se ekipet e kësaj drejtorie kanë dalë në terren dhe për së afërmi kanë vëzhguar situatën.

“Gjendje më e rënduar është në rrugën “Lidhja e Lezhës”, në të cilën, për shkak të mungesës së pusteave të ujërave atmosferike në një segment të saj, uji ka vështirësuar qarkullimin e automjeteve dhe qytetarëve. Me angazhimin e komunës edhe ky problem pritet të evitohet shpejt. Ekipet e DMSH-së vazhdojnë të monitorojnë gjendjen në terren, për të cilën qytetarët do të jenë të informuar me kohë”, thuhet tutje në njoftim./arbresh.info/