Kryetari i Komunës së Skenderajt, Bekim Jashari ka bërë të ditur se Inspektoriati i komunës ka mbyllur tri biznese.

Kjo sipas Jasharit, pasi që të njejtit  kishin mbajtur kundërligjshëm hapur lokalet.

I pari i Skenderajt, ka bërë të ditur se me rastin po merret Prokuroria e Shtetit./arbresh.info

Postimi i plotë:

Nuk respektuan vendimin, mbyllen nga inspektorati i Komunës dhe Policia edhe tri biznese në Skenderaj

Me qëllim të parandalimit të infeksionit COVID-19, Inspektorati i Komunës së Skenderajt, në bashkëpunim me Policinë e Kosovës, sonte kanë mbyllur edhe tri biznese tjera në Skenderaj, në rrugën “Ilaz Kodra”-Skenderaj, në Runik dhe në Qirez, pasi që të njejtit  kishin mbajtur kundërligjshëm hapur lokalet.

Pas mbylljes së lokaleve ndaj pronarëve të bizneseve ka hapur rast Prokurori i Shtetit për procedura të metejme.

Komuna e Skenderajt bënë thirrje që të respektohen vendimet dhe masat e ndermarra nga Komuna dhe Qeveria për parandalimin e infeksionit COVID-19.

Në mbrojtje të shëndetit të qytetarëve!

Pa frikë, por me kujdes të shtuar!