Komuna e Klinës do të paguaj biletën e udhëtimit për nxënësit e shkollave fillore

20:01 | 26 Nëntor 2020
Gita

Kryetari i Komunës së Klinës, Zenun Elezaj ka njoftuar se do të fillojnë të bëjnë pagesat për biletën e udhëtimit njëdrejtimësh të nxënësve për në shkollë.

Sipas Elezajt, ky projekt shumë i rëndësishëm do të ndikojë në uljen e shpenzimeve për nxënësit.

“Realizimi i këtij projekti është bërë si rezultat i kërkesave të shumta të qytetarëve dhe me qëllim që të krijohet një lehtësi financiare për prindërit, veçanërisht ata me kushte jo të mira financiare. Ky do të realizohet gjatë një periudhe tre vjeçare dhe ka një kosto prej 64 507 euro, të cilat do të paguhen nga buxheti komunal”, ka shkruar ai në Facebook.

Sipas tij, Drejtoria e Arsimit njofton se përzgjedhja e linjave është bërë duke u bazuar në kërkesat e qytetarëve, të cilat janë shqyrtuar nga një komision i veçantë për shqyrtim të kërkesave i themeluar nga Kuvendi Komunal – i cili ka qenë i përbërë edhe nga drejtorë të shkollave.

“Po ashtu, përzgjedhja e linjave është bërë duke u bazuar në Ligjin për Arsimin Parauniversitar, që përcakton se komuna duhet të sigurojë udhëtimin falas për nxënësit e shkollave fillore që e kanë objektin shkollor në një distancë më larg se 4 kilometra./arbresh.info/

Postimi i plotë:

Pagesat për udhëtimin e nxënësve do të bëhet për këto linja të udhëtimit:

– Relacioni Klinë

Klinafc – Klinë, Gjurgjevik i Vogël – Klinë

– Relacioni Zllakuqan

Kosh – Zllakuqan, Radulloc – Zllakuqan, Krushevë e Madhe – Zllakuqan

– Relacioni Shtupel

Lagja e Bajakës – Shtupel

– Relacioni Gremnik

Qupevë e Ulët – Gremnik, Qupevë e Lartë – Volljakë

– Relacioni Drenoc

Dugajevë – Drenoc, Poterq i Ulët – Drenoc