Deputetja nga Lëvizja Vetëvendosje, Fatmire Mulhaxha Kollçaku,para deputetëve tha se Qeveria është treguar e përgjegjshme në menaxhimin e situatës së helmimit të banorëve të Deçanit.

Kollçaku po ashtu tha se rritja e numrit e të helmuarve në Deçan është shqetësues.

“Në këto raste është e qartë që pritet që qytetarët të ndjejnë dorën e shtritë të shtetit nga institucionet më të thirrura në krye me Ministrinë e Shëndetësisë. Jo vetëm që kjo ministri menjëherë u koordinua me të gjitha ministritë tjera, por e gjeti mbështetjen e plotë nga kabineti qeveritar në krye me kryeministrin, për ta pasë në dispozicion të gjitha mjetet e nevojshme duke përfshirë ato buxhetore me c’rast u ndanë edhe 150 mijë euro për ujësjellësin dhe për sanimin e pasojave. Pra, dora e shtetit nuk janë ato vizita me shtrëngim duarsh apo fjalët ngushëlluese me ndonjë fotografi të shkrepur, në vend të ngjarjes e aq më pak përçuarje e dezinformatave me qëllim të panikut përmes mungesës së informatave të konfirmuara, por mbështetja e shtetit konsiderohet vetëm ajo përgjigje insitutcionale konkrete që përmirëson situatën përmes ekspertizës në hulumtimin dhe eliminimin e shkakut, sanimin e pasojave ndihmës me barna si dhe mbëshetetje buxhetore konkrete”, tha Klloçaku./arbresh.info/