Deputeti i Lëvizjes Vetëvendsoje, Mefail Bajqinovci e ka quajtur të duhur vendimin e Komisionit të Pavarur të Mediave për kodimin e emisioneve të kategorisë reality show.

Sipas tij duhet mbrojtur fëmijët “nga skenat dhe gjuha e turpshme që sjellin këto programe”, shkruan Arbresh.info.

“Vendim i duhur. Komisioni i Pavarur i Mediave përmes një rregulloreje të re ka vendosur që programet të cilat i përkasin kategorisë reality shoë, të kodohen. Duhet t’i mbrojmë fëmijët nga skenat dhe gjuha e turpshme që sjellin këto programe.”, ka shkruar ai në Facebook.

Kujtojmë që, emisionet “Reality shoë” do të mund të shikohen në platformat televizive vetëm nëse e dini kodin sikurse ndodh me filmat për të rritur.

Ky vendim është marrë sot nga Komisioni i Pavarur i Mediave ku është miratuar ndryshimi i Rregullores për Mbrojtjen e Fëmijëve dhe të miturve në shërbimet mediale audio dhe audiovizuele.

Kryetari i Bordit të KPM-së, Jeton Mehmeti ka thënë se është bërë vetëm plotësim ndryshimi i rregullores me qëllim të mbrohen fëmijët nga përmbajtjet që ndikojnë negativisht në shëndetin e tyre mendor e moral./Arbresh.info/

LEXO EDHE:

Kodohen programet “Reality show” ku bën pjesë edhe “Big Brother”