Koci: Ekstradim nuk ka, Beogradi tenton ta mbajë sa më gjatë Haradinajn në arrest

21:28 | 5 Janar 2017
M. A.

Arianit Koci, avokat i ish – kryeministrit të Kosovës, Ramush Haradinaj, ka thënë se Serbia po i shfrytëzon dhe po i keqpërdor te gjitha mundësitë procedurale për ta mbajtur sa më gjatë Haradinajn në arrest.

Ai ka thënë se Serbia ka bërë kërkesë për ekstradimin e Haradinajt në këtë shtet, por sipas tij, nuk janë dorëzuar të gjitha dokumentet.

“Në të njëjtën kohë, prej Beogradit kanë paralajmëruar se do të dërgojnë dokumente shtesë”, tha Koci për Telegrafin.

“Qëllimi është i qartë: mbajtja e Haradinajt në arrest sa më gjatë. Lufta speciale e Serbisë ndaj Ramushit por edhe ndaj Kosovës, po vazhdon. Madje, tash është rritur intensiteti. Besoj që shumë shpejt do të zgjidhjet pozitivisht kjo çështje. Përsëris, gjasat janë zero qe Ramush Haradinaj të ekstradohet ne Serbi”, ka shtuar Koci.