Koalicioni ‘Lista për Familjen” sot ka vizituar Odën Ekonomike të Kosovës, ku kanë pasur mundësinë që të shohin nga afër punën dhe angazhimin e saj për mbështetje dhe zhvillim të biznesit në vend.

Oda Ekonomike pati disa kërkesa ku tri ndër to ishin; sfida e fuqisë së punëtorëve dhe reforma në shëndetësi si një urgjencë e madhe.

Lideri i kësaj partie, Selim Pacolli tha se bizneset duhet të kenë një qasje të barabartë.

“Ne konsiderojmë që ngritja e një gjykate ekonomike që do të merrej me konteste të tilla, zonat e lira ekonomike është e duhur që bizneset të kishin një qasje të barabarte, por uljen e kostove të fuqisë punëtore. Ne do të insistojmë që këto çështje të shtyhen përpara. Mungesa e fuqisë se punëtorëve ballafaqohemi secili prej nesh”, tha tutje Pacolli.

Ndryshe, ky aktivitet ka për qëllim të theksojë angazhimin e liderëve të koalicionit për përmirësimin e kushteve për bizneset në Kosovë./Arbresh.info