Këshilli i Mediave të Shkruara të Kosovës (KMShK) me rastin e 3 Majit Ditës Botërore të Lirisë së Shtypit, sjell ndërmend se liria e medias është pjesë thelbësore e një shoqërie demokratike.

Përmes një njoftimi për media, KMShK shpreh shqetësimin për përkeqësimin e lirisë së medias në Kosovë, gjegjësisht regresin që ka shënuar Kosova në Indeksin e Reporterëve Pa Kufij, duke rënë për 19 vende – nga pozita 56 në 75.

“KMShK bën thirrje që mediat dhe gazetarët të mos pengohen gjatë punës së tyre. Sulmet politike ndaj mediave dhe gazetarëve, si dhe fushatat linçuese ndaj tyre janë kërcënim serioz për një gazetari të pavarur dhe profesionale, si dhe për integritetin dhe jetën e gazetarëve”, thuhet në njoftimin e tyre.

Tutje, KMShK i vlerëson të dëmshme dhe të papranueshme përpjekjet e autoriteteve për kontroll mbi mediat dhe cenimin e fjalës së lirë./Arbresh.info/

LEXO EDHE:

Kosova shënon rënie për 19 vende në indeksin e lirisë së medieve nga Reporterët Pa Kufij