Kizhevak, gjenden 10 trupa të të zhdukurve gjatë luftës së fundit në Kosovë

14:06 | 26 Maj 2021

Gërmimeve i’u erdhi fundi.

Pas disa viteve që kur dy ekipet, ajo e Kosovës dhe e Serbisë kishin filluar gërmimet në kërkim të një varreze masive në Kizhevakt të Rashkës në Serbi, u mbyllen sot.

Nga i tërë gërmimi disa muajsh u gjeten 10 trupa të të zhdukurve gjatë luftës së fundit në Kosovë, shkruan arbresh.info.

E ky është vetëm një nga 15 lokacionet që në territorin serbë dyshohet se ka varreza masive më trupat e shqiptarëve të Kosovës, tha Ibrahim Makolli, kryesues i ekipit të Kosovës në grupin punues për çështjen e të zhdukurve.

“Sot po i përfundojmë gërmimet në këtë pjesë. Kjo është një nga 15 lokacionet ku dyshohet se ka varreza masive. Mandati ynë ka të bëjë më zbardhjen e fatit të personave të zhdukur. Do të vazhdojmë edhe më lokacionet e tjera pasi e dimë që janë edhe 1600 të pagjetur ende në Kosovë”, tha Makolli.

E Arsim Gerxhaliu nga Mjekësia Ligjorë e Kosovës tha se gërmimet që filluam në 2015 sollen rezultat tek në vitin 2020 më gjetje të mbetjeve mortore.

“Kjo ka filluar nga viti 2015 në tek vitin e kaluar kemi hasur në mbetje mortore. Nga faza e dytë që ka filluar më 5 maj janë gjetur edhe 7 pra në total janë 10 trupa që janë gjetur në këtë lokacion”, tha Gerxhaliu.

Ndryshe procesi i gërmimit dhe zhvarrimit të mbetjeve mortore në këtë lokacion është realizuar në dy faza, nga 30.11.2020 – 09.12.2020 (faza I) dhe nga 05.05.2021 – 26.05.2021 (faza II).

Nga data 5 maj, kur kanë rifilluar gërmimet në këtë lokacion, është bërë vlerësimi i plotë i tërë lokacionit të shënjuar të varrezës masive dhe është bërë zhvarrosja e të gjithë eshtrave të viktimave të luftës që kanë qenë në këtë lokacion.

Pjesë e gërmimeve ishin ekspertët mjekoligjorë të Republikës së Kosovës, në emër të Delegacionit të Kosovës në kuadër të Grupit Punues për Persona të Zhdukur, krahas ekspertëve të Komisionit

Ndërkombëtar për Personat e Zhdukur, ekspertëve të EULEX-it , Komitetit Ndërkombëtar të Kryqit të Kuq, si dhe institucioneve të Serbisë.

Gjatë këtyre javëve, lokacioni i varrezës masive në Kizhevak, Serbi, është vizituar edhe nga familjarët e personave të zhdukur dhe nga një delegacion i lartë nga Komiteti Ndërkombëtar i Kryqit të Kuq nga Gjeneva të shoqëruar nga përfaqësuesit e dy delegacioneve në kuadër të Grupit Punues për Persona të Zhdukur./arbresh.info/

Shpërndaje në rrjete sociale

Lajmet më të lexuara