KGJK mirëpret miratimin e Koncept Dokumenteve: Hap i rëndësishëm drejt reformës institucionale e ligjore

Këshilli Gjyqësor i Kosovës (KGJK) ka mirëpritur miratimin e Koncept Dokumentit për Gjykatën Adiminstrative dhe të Punës ashtu si dhe atë për Kodin e  Procedurës Civile nga Qeveria e Kosovës.

Sipas tyre, miratimi i këtyre dokumenteve shënon një hap të rëndësishëm në rrugën e reformës institucionale dhe ligjore, shkruan Arbresh.info.

“Miratimi i këtyre dokumenteve, shënon një hap të rëndësishëm të Kosovës në rrugën e reformës  institucionale dhe ligjore, për të ju garantuar qytetarëve të vendit qasje më të lehtë dhe më efikase në shërbimet gjyqësore.”, njofton KGJK.

Ndër të tjera, miratimi i këtyre dokumenteve siç thuhet në njoftim, rrjedh nga nisma e përbashkët e Këshillit Gjyqësor, Ministrisë së Drejtësisë ashtu si dhe Gjykatës Supreme.

“Miratimi i dy dokumenteve me rëndësi strategjike, rrjedhë nga nisma e përbashkët e Këshillit Gjyqësor të Kosovës, Ministrisë së Drejtësisë dhe Gjykatës Supreme, dhe është kontribut i përbashkët i të gjitha institucioneve të përfshira, duke i falënderuar në mënyrë të veçantë ekspertët dhe Programin e Bashkimit Evropian për Sektorin e Drejtësisë në Kosovë – EUKOJUST, i cili po e mbështetë këtë nismë të institucioneve të drejtësisë.”, thuhet tutje në njoftim./Arbresh.info.