Këshilltari i Presidentit të Republikës së Kosovës, Adil Behramaj, thotë se Xhelal Sfeçla po mendon që presidenti Hashim Thaçi t’i jap llogari atij se kah po shkon e çfarë po bën .

Behramaj përmes një reagimi në Facebook, e ka quajtur një kadet të papërvojë policor, Sveçlen.

“Ushtrues Detyre është dhe mendon që presidenti i jep llogari kah shkon e çfarë bën, po me qenë përnjëmend ministër ky?! Në prerjen dhe heqjen e rrethojave e ka gjetur veten. Në këto tjerat po ma çon mallin e një kadeti të papërvojë policor. Por, kur Sveçla dhe soji i tyre po flasin tash për respektimin e ligjeve, të cilët si cuba politikë me precedentë penalë gati 20 vjet janë fshehur skutave dhe nuk i janë përgjigjur asnjëherë drejtësisë, epilogu këtu nuk ka fare moral politik”, ka thënë Behramaj.

Megjithatë,  sipas tij, fatkeqësisht  qeveria në ikje është  duke e tejkaluar çdo kufi të demokracisë, dhe sipas tij,  të ekzaltuar nga pushteti po mendojnë që autoritetit të qulltë të një Ushtruesi Detyre duhet t’i nënshtrohen edhe presidenti i shtetit dhe të zgjedhurit e popullit.

Ai, është shprehur i bindur se Sveçla ka më shumë raste penale sesa hyrje-dalje nga Republika e Kosovës.

“Pra, nuk po ju mjafton vetëm shkelja e Kushtetutës së Republikës së Kosovës dhe shkelja e të drejtave të njeriut, por tani po kërkojnë edhe më shumë! Sikur të kishim mundësi t’i shihnim databazat e prokurorisë, jam i bindur që Sveçla ka më shumë raste penale sesa hyrje-dalje nga Republika e Kosovës”, ka shkruar Behrami./arabresh.info