Këshilltari i kryeministrit në largim, Faton Abdullahu, ka reaguar pas vendimit të rrëzimit të Qeverisë Mustafa.

Sipas tij shumica e kuvendarëve të Kosovës, vendosën ndryshe nga se ç’ju është rekomanduar nga miqtë ndërkombëtar të cilët janë SHBA-të dhe Gjermania, njofton Klan Kosova.

Në një status të publikuar në Facebook, Abdullahu ka lë të nënkuptohet se kjo që ka ndodhur sot në vend është papjekuri politike.

”Pse nuk i dëgjuam ndërkombëtarët ?

Shumica e kuvendarëve të Kosovës vendosi ndryshe nga ajo që kanë rekomanduar drejtpërsëdrejti miqtë tanë ndërkombëtar, sidomos SHBA-t dhe Gjermania.

Pse ?

A ishte ky vetëdijesim shtet-ndërtues i kuvendarëve tanë për ta refuzuar involvimin e ndërkombëtareve në stilin “boll ma e dimë ne çka është më e mirë për Kosovën”.

A ishte kjo pjekuri politike dhe insitucionale për të vendosur tashmë vet pa ndihmën dhe sugjerimin e tyre?

Apo ishte diçka krejt tjetër.

Kur qytetarët ta kuptojnë këtë realitet si duhet, do të vendosin më kollaj se kujt dhe pse duhet t’i jepet vota në zgjedhjet e reja”.