Këshilli Drejtues i Universitetit të Prishtinës (KD) në mbledhjen e jashtëzakonshme të mbajtur sot u pajtua për:

1. Për shkrirjen e shtesës nga të hyrat vetanake në pagën bazë për punëtorët e Administratës së Universitetit të Prishtinës (UP).
2. Rektori, prorektori dhe sekretari i përgjithshëm të angazhohen për realizimin e pikës 1 (të dërgohet një shkresë zyrtare Ministrisë së Financave, Ministrisë së Administratës Publike dhe Ministrisë së Arsimit, Shkencës dhe Teknologjisë).
3. Këshilli Drejtues do të vendosë për miratim të Kontratës Kolektive pas heqjes së masës së pezullimit të Kontratës së Përgjithshme Kolektive nga Ministria e Punës dhe Mirëqenies Sociale. Në ndërkohë, do të punohet në vlerësimin e provizioneve që dalin nga Kontrata Kolektive e propozuar për miratim.

Këshilli Drejtues ka formuar komisionin që do të merret me vlerësimin e provizioneve të Kontratës Kolektive në këtë përbërje: dy anëtarë nga KD, dy anëtarë nga Menaxhmenti i UP-së dhe një anëtar nga SUSHK-u.