Vëllezërit Hetem dhe Ekrem Pireva përmes përfaqsuesit të tyre Skender Zenuni kanë paditur Ismajl Berishën dhe Fatmir Shabanin nga Kamenica, ata kërkojne shumë të lartë të parave për dëmin e shkaktuar.

Në padinë e siguruar nga Telenews.al, vëllezërit Pireva pretendojnë se në vitin 2012 Ismajl Berisha dhe Fatmir Shabani i hodhen një granatë në oborrin e shtëpisë së tyre.

“Të paditurit në intervalin kohor  01.12.2012 rreth orës 00:10 në vazhdimësi në lagjën “Malësia”, kanë shkaktuar rrezik të përgjithshëm, ashtu që në bashkëveprim në afërsi të shtëpisë së të paditurëve hedhin granatë dore, duke rrezikuar anëtarët e familjës Pireva, ka disa pjesë të granatës godasin muret e shtëpisë” thuhet në padinë e vëllezërve Pireva.

Në muajin nëntor 2013, Ismajl Berisha u dënua me 3 vjet e 10 muaj burgim, ndërsa Fatmir Shabani me 2 vjet e 9 muaj nga gjykata e Gjilanit, por lënda u kthye në rigjykim nga gjykata e Apelit.

Paditësit përmës përfaqsuesit të tyre Skender Zenuni pretendojnë se me verpimet e tyre të paditurit u shkaktuan trauma familjarëve të tyre dhe dëme në objektin familjar.

Padia është ushtruar ne gjykatën e Kamenicës, dhe deri më tani nuk është mbajtur asnjë seancë gjyqësore.