Policia e Ferizajit, në koordinim me njësitë përkatëse, ka realizuar me sukses arrestimin e dy personave të kërkuar nga Gjykata Themelore në Ferizaj, përkatësisht në dy lokacione të ndryshme të qytetit.

I pari është arrestuar në rrugën “At Nikë Prela”, ku në shtëpinë e tij është kapur i dyshuari E.K. (19 vjeç), i cili ishte i kërkuar për veprën penale “Dhunim”. Pas arrestimit, ai është dërguar për të vuajtur dënimin prej dy (2) vitesh.

Në një rast tjetër, në fshatin Dubravë, është arrestuar E.A. (18 vjeç), i kërkuar për veprën penale “Grabitja”. Edhe ai është dërguar për të vuajtur dënimin prej një (1) viti.

Drejtoria Rajonale e Policisë në Ferizaj ka theksuar se do të vazhdojë zbatimin e urdhëresave të gjykatave për kapjen e personave që nuk kanë iu përgjigjur thirrjeve ligjore. Policia fton qytetarët të bashkëpunojnë për identifikimin dhe kapjen e personave të kërkuar nga organet e drejtësisë./Arbresh.info