Instituti Kombëtar i Shëndetësisë Publikë të Kosovës (IKSHPK), bënë të ditur se deri tash në vendin tonë janë shënuar katër raste të virusit të Nilit Perëndimor.

Sipas njoftimit të IKSHPK-së dy raste janë shënuar në komunën e Fushë Kosovës, një në Prizren dhe një në komunën e Lipjanit, raporton Arbresh.info.

Në Kosovë gjatë vitit 2024 janë raportuar gjithsej 4 raste laboratorike të konfirmuara me ethet e Nilit Perëndimor: Rasti i parë i importuar është konfirmuar me datë 07.08.2024 tek një banor i komunës së Fushë Kosovës. Rasti i dytë është autokton, është konfirmuar me datë 09.08.2024, tek një banor i Bardhit të Madh të komunës së Fushë Kosovës.Rasti i tretë po ashtu është autokton, është konfirmuar me datë 30.08.2024, tek një banor i Prizrenit.Rasti i katërt është rast i importuar, është konfirmuar me datë 05.09.2024, tek një banore e Fsh. Rufc i Vjetër të komunës së Lipjanit”, thuhet në njoftimin e IKSHPK-së./Arbresh.info/

Njoftimi i plotë