Katër fëmijë të prekur nga Covid-19 po trajtohen në Klinikën e Pediatrisë.

Kjo është bërë e ditur nga një njoftim i Ministrisë së Shëndetësisë, ku kanë njoftuar për vizitën që ministri Rifat Latifi i ka bërë Klinikës Infektive dhe asaj të Pediatrisë në orët e mbrëmjes.

Sipas njoftimit Latifi ka përgëzuar punëtorët shëndetësor për punën dhe sakrificën e tyre.

Ai po ashtu bëri thirrje për vaksinim.

Komunikata e plotë:
Ministri i Shëndetësisë Rifat Latifi, i shoqëruar nga zëvendësministri Arsim Berisha dhe drejtori i SHSKUK-së, Valbon Krasniqi, vizitoi në orët e mbremjës Klinikën e Infektivës dhe Klinikën e Pediatrisë në QKUK, ku nga drejtuesit e këtyre klinikave dhe ekipet kujdestare u njoftua për punën aty dhe trajtimin e rasteve me COVID-19.
Ministri Latifi i falënderoi mjekët dhe infermierët për punën që po bëjnë në trajtimin e të prekurve nga COVID-19 dhe u njoh me ecurinë e rasteve që po trajtohen aty.
Nga dr. Arben Vishaj, drejtoir i Infektivës u njoftua se brenda 24 orëve të fundit në këtë klinikë ka pasur shtatë raste të pranuara me COVID-19 dhe gjashtë të shëruar, derisa nga 54 pacientë sa aktualisht janë në këtë klinikë, katër prej tyre janë në mjekimin intensiv.

Në Klinikën e Pediatrisë, drejtoresha Violeta Grajçevci Ukaj tha se për momentin në klinikë janë duke u trajtuar 4 fëmijë me COVID-19 dhe se personeli është I organizuar për të menaxhuar rastet.

Ministri Latifi tha se puna e profesionistëve shëndetësor është një shembull i përkushtimit për ta menaxhuar sa më mirë çdo rast me COVID-19 dhe bëri thirrje popullatës që të vaksinohen dhe t’i zbatojnë masat në fuqi me qëllim që punë e mantelbardhëve të lehtësohet./arbresh.info/