Dy persona janë arrestuar pasi kanë kanosur disa pjesëtar të KFOR-it në një lokal në fshatin Lubiqevë të Prizrenit, raporton Policia e Kosovës.

Sipas Policisë, të dyshuarit pas intervistimit janë dërguar në mbajtje, shkruan Arbresh.info.

Ndërsa, në shtëpinë e njërit nga të dyshuarit, policia ka gjetur dhe sekuestruar një pushkë gjuetie.

“Fsh. Lubiqevë, Prizren 26.02.2024 – 09:00. Disa pjesëtarë të KFOR-it, derisa kanë qenë duke qëndruar me një lokal, dy të dyshuar meshkuj kosovarë i kanë kanosur. Të dyshuarit janë larguar nga vendi i ngjarjes. Pas një pune hetimore janë ndaluar dhe arrestuar dy të dyshuarit meshkuj kosovarë. Pas intervistimit të dyshuarit me vendim të prokurorit janë dërguar në mbajtje. Gjatë kontrollit në shtëpinë e njërit nga të dyshuarit është gjetur dhe sekuestruar pushkë gjuetie. Rasti nën hetime”, thuhet në raportin 24 orësh të Policisë së Kosovës./Arbresh.info