Kamberi letër Vuçiqit: Shqiptarët nuk marrin pjesë në konsultat për themelimin e qeverisë së re

21:47 | 31 Mars 2025
E.H

Shaip Kamberi, deputeti i vetëm shqiptar në parlamentin e Serbisë, ka njoftuar se nuk do të marrë pjesë në konsultat për themelimin e qeverisë së re.

Me anë të një postimi në Facebook, Kamberi tha se ftesës së presidentit Vuçiq iu përgjigj duke e njoftuar se shqiptarët nuk do të marrin pjesë në këto konsultime, sepse siç thotë ai, janë procese të rrejshme të demokracisë.

“Njoftova Presidentin se nuk shoh të arsyeshme të bëhem pjesë e një procesi të rrejshëm të demokracisë, sa për të përmbushur formën, ndërkohë që bashkëkombësit e mi mbeten pakica skajshmërisht e diskriminuar në sistemin shtetëror në 13 vitet e fundit”, shkroi Kamberi në postimin të cilin ia bashkëngjiti edhe letrën e plotë që ia dërgoi Vuçiqit./Arbresh.info