Kadetët e Kosovës e ata të NATO-s stërviten bashkë në “Kampin veror 2022” në Maqedoni të Veriut

14:44 | 26 Qershor 2022
Fjolla Bajraktari

Kadetët e Kosovës bashkë me ata të vendeve të ushtrive të NATO-s, kanë marrë pjesë në stërvitjen “Kampi veror 2022”, në Maqedoninë e Veriut.

Ministri i Mbrojtjes, Armend Mehaj, ka thënë se kjo është një mundësi e shëlqyer që kadetët t’i zbatojnë në ndërveprueshmëri shkathtësitë profesionale.

“Kjo është një mundësi e shkëlqyer që kadetët tanë, njohuritë dhe shkathtësitë e tyre profesionale t’i zbatojnë në ndërveprueshmëri dhe shpirt ekipor mes trupave shumëkombëshe. Gjithashtu, krahas avancimit të aftësive drejtuese dhe manovruese, ata të përmirësojnë teknikat, taktikat dhe procedurat e tyre për luftime sulmuese dhe mbrojtëse, si dhe orientim të suksesshëm në terren të panjohur”, ka shkruar Mehaj në facebook./arbresh.info/