Anëtarja më e re e Lëvizjes Vetëvendosje, Donika Kadaj-Bujupi, ka thënë se largimi i saj nga Aleanca për Ardhmërinë e Kosovës ka qenë për arsye krejtësisht personale.

Ish-deputetja e AAK’së ka thënë se nuk e sheh si transfer largimin e saj nga AAK’ja, por si vazhdim të bindjeve të saj politike.

“Në momentin kur filluan hamendjet unë vendosa ta vazhdojë rrugën time politike aty ku kishte më shumë konsistim dhe këmbëngulje për të kundërshtuar dy marrëveshjet e dëmshme për vendin”, ka thënë Kadaj- Bujupi në emision “Click”, në RTV21.

Kadaj-Bujupi ka shtuar se edhe në kohën e koalicionit LVAN, Vetëvendosje nuk ka folur për ndarje postesh e pozitash.

“Vetëvendosje edhe asokohe ka qenë për të qëndruar bashkë dhe ta dërgojnë PDK’në në opozitë në mënyrë që të sjellim ndryshimin”, ka thënë Kadaj- Bujupi.