Jashari viziton familjen që iu dogj shtëpia: Nuk ka të lënduar nga zjarri

21:19 | 18 Dhjetor 2018
Arbresh.info

Asnjë person nuk është lënduar nga djegia e një shtëpie në Klinë të Poshtme të Skenderajt.

Këtë e ka bërë të ditur Kryetari i Komunës së Skenderajt Bekim Jashari, i cili tha se ishte prezentë në vendin e ngjarjes ndërsa theksoi se do të bëjë të mundur që ta ndihmojë këtë familje pasi pësuan dëme të mëdha materiale.

”Një zjarr në orët e vona të mbrëmjes ka djegur shtëpinë e banimit të Faik Mustafës nga Klina e Poshtme, por për fat të mirë, as edhe një gërvishtje për 6 anëtarët e familjes. Isha i pranishëm në vendin e ngjarjes dhe u ndjeva mirë kur kuptova se anëtarët janë shëndosh e mirë, pavarësisht humbjes së madhe të pasurisë së paluajtshme për Faik Mustafën, që e ka krijuar me mund. Si institucione lokale do të bëjmë ç’është e mundur për t’i dal në ndihmë dhe për të përballuar këtë situatë të vështirë”.

https://www.facebook.com/BekimHamezJashari/posts/444733262729997