Gjatë ditës së djeshme janë arrestuar gjashtë persona për posedim të 12 kilogramëve marihuanë në disa lokacione nëpër vend.

Por, gjatë kontrollit në një lokacion, Policia tha se një i dyshuar tentoi t’u ikte atyre duke kërcyer nga një lartësi e shtëpisë, i njëjti kishte pësuar lëndime.

E ky i dyshuar ishte vëllai i anëtares së LDK-së, Shqipe Pantina.

Ish- deputetja ka reaguar duke thënë se vëllai i saj nuk tentoi të ikte nga policia, por ishte gjysmë i përgjumur dhe e ngatërroi daljen nga dhoma.

“Është e vërtetë se ai ka pësuar lëndime serioze dje, por është e vërtetë se ai nuk ka tentuar të i ikë arrestimit. Gjysmë i përgjumur (në jerm) ai ka ngatërruar daljen nga dhoma”, është shprehur Pantina.

Po ashtu ajo tha se vëllai i saj është jashtë rrezikut për jetë por ka lëndime serioze të boshtit kurrizor.

Gjithashtu anëtarja e LDK-së, ka pohuar se gjatë ditës së djeshme nga Policia është bastisur shtëpia e vëllait të saj, mirëpo ajo tha se nuk është gjetur asgjë dhe sipas saj këtë e ka vërtetuar gjykata sot.

“Vëllai im nuk akuzohet për asgjë”, potencoi ish-deputetja Shqipe Pantina./Arbresh.info/