Deputeti Ahmet Isufi nga AAK ka reaguar lidhur me interpelancën e kryeministrit për ministrin Nenad Rikallo.

Ai ka thënë se edhe ndonjë ditë kryeministrin do ta thirrin edhe për ngrohje globale.

“Nuk po diskutohet për programin që ka Minisria e Bujqësisë për zonat ruale, por po më çudit fakti se përse thirret kjo interpelance kur është komisioni që mund të merret me këtë. Pastaj mund të bëhet një raport që mund të diskutohet nga të dhënat e raportit. Komisionet funksionale duhet t’i kryejnë detyrat me raport”, ka thënë ai.

Sipas tij edhe opozita është lodhur me këto thirrje të interpelancave.

“Janë adresat e caktuara në të cilat mund të gjinden të dhënat dhe përgjigjet konkrete në mënyrë që kuvendi të dal më serioz me këto interpelanca”, ka thënë ai./Arbresh.info