Ish-luftëtarët e UÇPMB-së nga Zona e Karadakut sot kanë protestuarë para Qeverisë së Kosovës, duke kërkuar njohjen e statusit të veteranit.

Ata shprehën paknaqësitë e tyre lidhur largimin nga FSK-ja dhe Policia e Kosovës, dhe thonë se arsyeja është vetëm pse kanë qenë luftëtar të kësaj Zone.

Ish-Komandanti i Zonës së Karadakut, Feriz Deliu, i njohur si “Komandant Kabashi” tha se shumë  luftëtarëve nuk po ju njihet statusi i veteranit, raporton arbresh.info.

“Unë kam bërë aftësimin e luftëtarëve të kësaj zone, dhe ata dëshmorë e ata luftëtar që që kanë luftuar nuk po ju njihet statusi i veteranit, e shumë të tjerë edhe pse nuk kanë qenë luftëtar po gëzojnë statusin pa meritë”, tha Feriz Deliu, ish-komandant i kësaj zone.

Gjithashtu edhe Abdurrahman Nazifi, komandanti i Zonës së Qarrit, brigada “114”, i njohur si “Komandant Bugari”, pati një takim me njërin prej këshilltarëve të Kryeminisrit Ramush Haradinaj, ku ky i fundit i kishte premtuar se do të merren me kërkesat e tyre nga ky takim i shpejtë që patën.

Protesta përfundoi e qetë, dhe pa incidente./arbresh.info/