Lidhja Demokratike e Kosovës ka dërguar telegram ngushëllimi për aksidentin e sotëm në Gjilan.

Kryetari i LDK-së, Isa Mustafa përmes një komunikatë për medie ka shprehur ngushëllime familjarët e të vdekurit, shkruan arbresh.info.

“Kryetari i LDK-së, Akademik Isa Mustafa me rastin e aksidentit të sotëm në Gjilan dërgon këtë telegram ngushëllimi: “Lajmi për aksidentin që ka ndodhur në Gjilan, më tronditi thellë. Në emrin tim ju shpreh ngushëllimet e mia të sinqerta dhe bashkëndjejmë me familjen Çoçaj për vdekjen e familjarit të tyre, ndërsa të lënduarve ju uroj shërim të shpejtë”, ka shkruar ai.

“Jemi bashkë me qytetarët e Komunës së Gjilanit në këto momente tronditëse”, thuhet në komunikatën e LDK-së.

Ndryshe mesditën e sotme në Gjilan një kamion transportues dhe 10 automjete janë përfshirë në një aksident trafiku. Pasoj e tij ka humbur jetën një person ndërsa 16 të tjerë kanë marrë lëndime trupore./Arbresh.info/