Deputeti i Alternativës, Ilir Deda përmes një statusi në profilin e tij në facebook ka kërkuar që pas ngjarjeve të fundit Këshilli i Sigurisë së Kosovës duhet të mblidhet urgjentisht, shkruan arbresh.info.

Ai ka thënë se vrasja e Ivanoviqit është goditje ndaj stabilitetit dhe sigurisë së Kosovës.

Ky është statusi i tij i plotë:

“Pas deklaratave të Qeverisë dhe dënimit të vrasjes të politikanit serb kosovar Oliver Ivanoviq, duhet urgjentisht të mblidhet Këshilli i Sigurisë së Kosovës. Vrasja e Ivanoviqit është goditje ndaj stabilitetit dhe sigurisë së Kosovës, dhe është në interesin e Kosovës që vrasësit të kapen dhe dënohen sa më shpejtë. Në kaosin e brendshëm politik në Kosovë, e fundit çka na duhet është përshkallëzimi i situatës së sigurisë”, ka shkruar ai.