IKSHPK-ja jep këshilla për parandalimin e infektimit me linë e majmunit

15:12 | 28 Dhjetor 2024
E.K

Në Kosovë, të premten është konfirmuar rasti i parë i “Mpox”, i njohur si Lia e Majmunëve.

Instituti Kombëtar i Shëndetit Publik (IKSHPK) ka dhënë informacione të reja lidhur me këtë sëmundje, duke përfshirë simptomat, masat për parandalimin e përhapjes dhe rekomandimet për kujdesin.

IKSHPK thekson se “kujdesi fillon nga vetja” dhe bën thirrje që të parandalojmë MPOX me hapa të thjeshtë, si higjiena personale dhe e mjedisit, zbatimi i masave të kontrollit dhe ndjekja e udhëzimeve të autoriteteve shëndetësore.

“Ta parandalojmë MPOX me hapa të thjeshtë, duke filluar nga higjiena personale dhe mjedisore, zbatimi i masave të kontrollit dhe ndjekja e rekomandimeve të autoriteteve shëndetësore.”, thuhet në njoftim./Arbresh.info