IKSHPK bën thirrje për mos grumbullim

22:05 | 17 Tetor 2021
Arditë Shkodra

Instituti Kombëtar i Shëndetësisë Publike të Kosovës ka bërë thirrje për mos grumbullim.

Sot në ora 19:00 janë mbyllur të gjitha qendra e vendvotimit në Kosovës, e menjëherë pas rezultateve preliminare të publikuara nga Komisioni Qendror i Zgjedhjeve (KQZ), qytetarë të shumtë kanë dalë nëpër sheshe për të festuar, shkruan arbresh.info

“IKSHPK apelon tek të gjithë qytetarët, për respektimin e të gjitha masave sipas vendimeve të Qeverisë së Republikës së Kosovës. Për shkak të rrezikshmërisë së lartë të përhapjes së COVID-19, bëjmë thirrje për kujdes dhe mos grumbullim”, thuhet në njoftimin e IKSHPK-së.

Postimi i plotë:

Të nderuar qytetarë!

Situata epidemiologjike me COVID-19 vazhdon me rënie të numrit të rasteve të reja pozitive dhe numrit të vdekjeve, por megjithate është akoma jostabile duke pasur parasysh se varianti Delta është prezent dhe është varianti dominues në qarkullim në Kosovë.

IKSHPK apelon tek të gjithë qytetarët, për respektimin e të gjitha masave sipas vendimeve të Qeverisë së Republikës së Kosovës.

Për shkak të rrezikshmërisë së lartë të përhapjes së COVID-19, bëjmë thirrje për kujdes dhe mosgrumbullim.

Rekomandojmë institucionet përgjegjëse të mbikëqyrin me përpikëri dhe të ndërmarrin të gjitha veprimet e nevojshme për parandalimin dhe luftimin e pandemisë.

Qytetarë të nderuar!

Ju lutemi për kujdes të shtuar!

Mbuloni gojën dhe hundën me maskë!

Mbani higjienën!

Respektoni distancën!

VAKSINOHUNI!