IKSHPK alarmon: Ka një rritje të Kollës së mirë krahasuar me vitet e fundit

12:29 | 29 Mars 2024
K.B

Instituti Kombëtar i Shëndetësisë Publike të Kosovës njofton se ka një rritje të të lehtë të rasteve të Kollës së mirë (Pertussis), krahasuar me vitet e fundit.

Gjatë vitit 2024, IKSHPK ka regjistruar 8 raste të konfirmuara me laborator të Pertusisit, kryesisht te moshat e reja.

“Kjo sëmundje ngjitëse mund të shfaqet në çdo moshë, por më shpesh i prek fëmijët dhe adoleshentët. Më të rrezikuar janë fëmijët nën moshën 1 vjeçare. Sëmundja përhapet lehtësisht nga personi në person, kryesisht përmes pikave/spërklave nga kollitja ose teshtitja e personit të infektuar”, njofton IKSHPK-ja.

IKSHPK u bën thirrje prindërve që t’i përmbahen Kalendarit të rregullt të vaksinimit dhe t’i vaksinojnë fëmijët, sipas orareve të përcaktuara në kalendar./Arbresh.info/