Kryesuesi i Këshillit Gjyqësor të Kosovës, Nehat Idrizi në konferencën e shtatë vjetore të Gjyqësorit të Kosovës , ka thënë se  KGjK-ja, ka prioritet e veta e që janë përmirësimi i praktikave edhe rregulloreve të KGjK-së, përgatitja për integrimin e gjykatave në veri, përgatitja për zgjidhjen e lëndëve të korrupsionit e prioritete të tjera, shkruan arbresh.info.

Sipas tij ky vit ka qenë sfidues për ta dhe se i ka gjetur përballë sfidave të shumta që korrespondonin me prioritete të larta e që duheshin të adresoheshin.

“Kemi arritur të zgjedhim kryetarin e Gjykatës Themelore në Veri dhe zëvendësin e tij, dhe të dy këto përzgjedhje janë arritur me sukses, kemi arritur t’i integrojmë në sistemin gjyqësor të Kosovës 42 gjyqtarë të komuniteteve jo shumicë. Sa i takon efikasitetit të zgjidhjeve të lëndëve kemi treguar rezultate në menaxhimin e lëndëve të pazgjidhura”, ka thënë ai.

Sipas tij në vitin 2017 Gjykata e Apelit ka zgjidhur 6 për qind më shumë lëndë krahasuar më periudhën e njëjtë të vitit të kaluar.

Sa i takon rritjes së transparencës KGjK ka shënuar mjaft progres./arbresh.info/