Drejtoria për Hetimin e Krimit të Organizuar e Policisë së Kosovës ka arrestuar një person, i cili dyshohet për vjedhje dhe detyrim. I dyshuari Sipas  zyrës për media të Policisë së Kosovës, për  rajonin e Prishtinës  pasi  ia kishte vjedhur veturën viktimës, e kishte telefonuar dhe i kishte kërkuar para  në këmbim të veturës.  Rasti ka ndodhur të martën me 1 shtator, kur viktima pas telefonatës që kishte marr nga i dyshuari, e kishte lajmëruar  policinë.

“Lidhur me një rast të vjedhjes së veturës me datën 01.09.2015, në Prishtinë, Policia e Kosovës përmes rrugëve hetimore-operative ka marrë një informatë se një i dyshuar ka kontaktuar në telefon viktimën dhe i ka kërkuar një shumë të caktuar të hollash në këmbim për t’ia kthyer veturën e vjedhur”, bën të ditur policia.  Arrestimi i të dyshuarit është bërë gjatë kohës kur viktima po ia dorëzonte parat për ta marr veturën e tij.

“Pas pranimit të informatës hetuesit policorë kanë ndërmarrë veprime të shpejta operacionale, ku është arritur identifikimi dhe lokalizimi i të dyshuarit, dhe në momentin e këmbimit të të hollave në mes të viktimës dhe të dyshuarit, është realizuar arrestimi i të dyshuarit”, thuhet në njoftimin e policisë rajonale të Prishtinës.  Ndërkohë pas ekzaminimeve të nevojshme të forenzikës,  me urdhër të prokurorit kompetent viktimës i është kthyer vetura, ndërsa i arrestuari është dërguar në mbajte dhe i njëjti akuzohet për vepër penale të ‘vjedhjes’ dhe të ‘detyrimit’. /arbresh.info