Mitrovica është tronditur mëngjesin e 20 shtatorit, nga një ngjarje tragjike, ku mbeti i vrarë një person pasi u qëllua me armë zjarri, në qendër të qytetit.

Një javë ka kaluar një javë që nga akti kriminal, ku i dyshuari për vrasjen nuk është arrestuar ende.

Viktima ishte 45-vjeçari, Florim Zeqiri, ndaj të cilit, tashmë i dyshuari kryesor për vrasjen e tij, Valdrin Salihu kishte shkrepur gjashtë plumba.

Një ditë më vonë, policia identifikoi personin e dyshuar, që ishte 33 vjeçari, Valdrin Salihu. Madje, policia e shpalli në kërkim të dyshuarin, duke kërkuar ndihmë nga qytetarët për kapjen e tij.

Ndërkaq, nga Prokuroria Themelore e Mitrovicës, kanë bërë të ditur se ai është larguar nga Aeroporti i Shkupit drejt Turqisë.

“Sipas informacioneve që disponojmë, i dyshuari me iniciale V.S., ka udhëtuar nga Aeroporti i Shkupit në drejtim të Turqisë, për këtë arsye gjykata me kërkesë të Prokurorisë Themelore në Mitrovicë ka lëshuar letër rreshtim ndërkombëtar për të dyshuarin”, kanë thënë nga Prokuroria./Arbresh.info