Ministri i Brendshshëm ka thënë se rendi – institucionet dhe qytetarët do të mbrohen me rigorozitet.

Në mbledhjen e së shtunës të Qeverisë së Kosovës, ndër të tjera, është diskutuar për dhunën e së premtes mbrëma – në dhe para Kuvendit të Kosovës.

Veç dënimit që i është bërë nga krerët e ekzekutivit, ajo është dënuar edhe nga Minsitri i Brendshëm, Skender Hyseni, njofton Klan Kosova.

Hyseni ka thënë se nuk do të ketë kompromis në mbrojtjen e shtetit dhe qytetarëve, duke theksuar sfidat me të cilat po përballet Policia e Kosovës.

“Në mënyrë rigoroze do të punojnë për t’i mbrojtur institucionet dhe qytetarët e vendit”.

“Policia po përballet me sfida të rënda nga protestuesit, por mund të lavdëroj punën dhe reagimin e organeve të rendit”.

“Poashtu mund të them që gjendja e sigurisë në vend është e mirë dhe kemi rënie të krimit”.