Ka filluar seanca në Kuvendin e Kosovës ku me kërkesë të Lëvizjes Vetëvendosje, kryeministri Abdullah Hoti do t’i përgjijget tri interpelancave.

Deputeti nga PDK, Enver Hoxhaj tha se kërkesa e Lëvizjes Vetëvendosje për tri interpelanca kanë një emërues të përbashkët, një hegjemoni të re serbe në raport me Kosovën dhe ranonin.

“Këto tri interpelanca që janë thirrur, realisht e kanë një emërues të përbashkët, një hegjemoni të re serbe në raport me Kosovën dhe rajoni dhe mendoj se kjo kërkon përgjigjen tonë si deputet, e jo të flasim për dialogun, siç kemi folur ndoshta para 10 viteve, pasi tani situatë krejt tjetër”, tha Hoxhaj

Enver Hoxhaj ka kritikuar deklaratat e kryeministrit Avdullah Hoti, se dialogu do të përfundojë me njohje reciproke.

“Ky është ai vizioni i shpresës që edhe unë dhe të tjerët e kemi kultivuar por e kam përshtypjen që në situatën që jemi është më serioze se që mund ta imagjinojmë. Është më serioze sepse kemi pasur pritje që vjeshta të jetë fazat e fundit e dialogut por gjërat s’po shkojnë. Do t’iu lutja të mos i besojmë këtij iluzioni se nuk ka bëjë me atë se kush është në opozitë dhe qeveri por ky iluzion mund ta godasë vendin”, tha Hoxhaj./arbresh.info/