Ministri i Punëve të Jashtme të Kosovës, Enver Hoxhaj ka thënë se shtyrja e vendimit për liderin e AAK-së Ramush Haradinaj në gjykatën franceze është zhgënjyese dhe e papranueshme.

Hoxhaj ka thënë se menjëherë pas kësaj ka thirrur në një takim Ministrinë e Punëve të Brendshme dhe atë të Drejtësisë për të diskutuar për procesit ndaj Haradinajt, shkruan arbresh.info.

“Nuk ka arsyetim që Haradinaj të qëndroje dhe më tutje në Francë.  Ky vendim është i papranueshëm për ne si shtet dfhe për Qeverinë e Kosobvës Do ta kem një takim me MD dhe MPB që ta bëjmë një rivlerësim të të gjithë procesit dhe se si t’i qasemi këtinj procesi. Kam biseduar në telefon edhe me Haradinajn dhe jemio në koordinim se si t’i qasemi një vendimi të tillë”, tha Hoxhaj./Arbresh.info.