Deputeti i PDK’së, Enver Hoxhaj, ka shkruar për babain e Kadri Veselit që vdiq sot.

Hoxhaj kujtoi takimin e fundit që kishte me Fazli Veselin, ku tha se ai kishte besim të palëkundur se Kosova do bëhet.

Ai shtoi se babai i Veselit, kishte motivuar ata të mbledhin forcë dhe dhimbjen ta kthenin në energji.

‘’ Herën e fundit kur e takova, pak ditë pasi Kadriu ishte nisur për në Hagë, ma shtërngoi dorën në shtëpinë e tij në Mitrovicë, ishte besimplotë dhe i palëkundur se Kosova do të bëhet. Ishte ai që me fjalët e tij na motivoi ne se duhet të mbledhim forcat dhe dhimbjen ta kthejmë në energji për të vazhduar punën e kryetarit Veseli në shtetndërtimin e Kosovës’’, shkroi Hoxhaj.

Babai i Kadri Veselit, vdiq në mëngjesin e sotëm pas problemeve shëndetësore që kishte.

Ky është postimi i plotë:

‘’ I paska mbyllur sytë përjetësisht babai i Kadrisë, Fazli Veseli! Herën e fundit kur e takova, pak ditë pasi Kadriu ishte nisur për në Hagë, ma shtërngoi dorën në shtëpinë e tij në Mitrovicë, ishte besimplotë dhe i palëkundur se Kosova do të bëhet. Ishte ai që me fjalët e tij na motivoi ne se duhet të mbledhim forcat dhe dhimbjen ta kthejmë në energji për të vazhduar punën e kryetarit Veseli në shtetndërtimin e Kosovës.

Një baba shembull që i edukoi të gjithë fëmijët e tij me ndjenjën e përhershmë të atdhedashurisë. I qoftë i lehtë dheu i Kosovës.’’