Që kur Marrëveshja  Stabilizim Asociimi, ka hyrë në fuqi, Kosova ka pasur rritje ekonomike. Kështu ka deklaruar sot ministrja e Integrimeve Evropiane, Dhurata Hoxha gjatë diskutimit në lidhje me me përfitimet nga kjo marrëveshje, shkruan Arbresh.info.

Ministrja Hoxha u shpreh se reformat do të marrin kohë porse ndikimi i tyre do të jetë i pakontestueshëm.

“Sa i përket në përgjithësi të planit të MSA-së është një zbatim i rëndësishëm por neve na nevojitet të kemi një fuqizim edhe më të madh. Na mbetet të miratojmë legjislacionit për luftimin e korrupsionit në institucionet e larta të vendit. Të ndryshojmë ligjin për partitë politike që të sigurojmë llogaridhënie më të madhe. Ne na nevojitet që reformat të jenë më të shpejta dhe të zbatohen në formë efikase. Mos të lidhemi me përqindje por edhe zbatimin efektiv që mund ta kenë këto reforma”, ka thënë Hoxha.

Tutje Hoxha tha se MSA-ja e trason rrugën e Kosovës drejtë BE-së./Arbresh.info