Hoti: Ne do t’i shfrytëzojmë të drejtat kushtetuese nëse PAN vazhdon bllokimin (VIDEO)

11:14 | 9 Gusht 2017
Gita

Deputeti i LDK-së, Avdullah Hoti u bëri thirrje deputetëve të koalicionit PAN që të jenë prezent në seancën e së enjtes, kur pritet të konstituohet kuvendi.

Ai tha se meqenëse seanca e nesërme është thirrur në mënyrë të rregullt do të duhej që deputetët e koalicionit PAN të marrin pjesë dhe të votonin.

“Nëse këta nuk marrin pjesë nesër në seancë atëherë ju kryesues ju ftoj që nesër t’a mbani takimin konsultativ që ta caktojmë seancat për javën e ardhshme. Ne do ti shfrytëzojmë të drejtat kushtetuese dhe nuk marrim pjesë në asnjë seancë jashtë të drejtave kushtetuese. Andaj të mbajmë nesër takim”, u shprehë Hoti.

Ai u bëri thirrje deputetëve të PDK që të shkojnë në seancë dhe ta propozojnë kandidatin e tyre për kryetar të kuvendit./arbresh.info/