Javën e kaluar gjatë vizitës zyrtare të Kryeministrit Avdullah Hoti në Shkup, në një koherencë për media, homologu i tij nga Maqedonia e Veriut, Zoran Zaev, tha se javën e ardhshme(këtë javë) do ketë takim me Presidentin Vuçiq dhe kryeministrin Edi Ramën për të folur më shumë lidhur me Mini-Shëngenin.

Në këtë konferencë Zaev e ftoi edhe shefin e qeverisë kosovar, raporton Arbresh.info.

Hoti i pyetur sot gjatë ditës se a do të merr pjesë në këtë takim ka konfirmuar shkurt se do të jetë i pranishëm.

“Po sigurisht do të marrë pjesë”, ka thënë shkurt Kryeministri Hoti.

Takimi pritet të mbahet online të premten.

“Presim që Kosova t‘i bashkangjitet bashkëpunimit rajonal të cilin e udhëheqin Maqedonia e Veriut, Serbia dhe Shqipëria. Të premten e ardhshme do të kem takim me Presidentin Vuçiq dhe Kryeministrin Rama, ku do të dërgojmë një ftesë të përbashkët, për implementim të katër lirive si lëvizja e njerëzve, mallrave, shërbimeve dhe kapitalit që do mundësojë integrim më të shpejtë në Bashkimin Europian,” ishte deklarata e Zaev.

Zaev fton publikisht edhe kryeministrin Hoti në takim me Vuçiqin e Ramën