I pari i Qeverisë së Kosovës, Avdullah Hoti, ka bërë të ditur se tash e tutje do të ketë storie të realizuara në Klinikën Infektive, të cilat paraqesin pacientët që përballen me koronavirus, në mënyrë që sipas tij të binden qytetarët se Covid-19 nuk është problem real.

“Do të detyrohemi të tregojmë storie çdo ditë nga Klinika Infektive se si pacientët përballen me jetë me këtë sëmundje, se si stafi shëndetësor sfilitet 24 orë për të ofruar shërbime  për këta njerëz, do të kërkojmë mirëkuptimin edhe të anëtarëve të familjeve që i kanë humbur të  dashurit e tyre që të ndajmë storiet e tyre me qytetarë, që ta shohim secili në familjet tona në mbrëmje kur i shohim lajmet qendrore që ta shohim se sa serioze është situata”, u shpreh Hoti.

Sipas tij, 30 për qind e popullsisë në Kosovë nuk besojnë se Covid-19 është problem real.

“Gjatë kësaj periudhe do të kemi një strategji agresive mediale, për të vetëdijesuar  secilin qytetarë, sepse në bazë të  vlerësimeve, del që 30 për qind e qytetarëve nuk besojnë që Covid-19 është problem real për jetën e tyre dhe kjo nuk ka asnjë kuptim”, tha Hoti

Ai, po ashtu tha se kjo nuk është çështje  e një imazhi publik, por është çështje për jetë a vdekje të familjarëve  tanë. /arbresh.info

LEXO EHDE :

Hoti paralajmëron nisjen e procedurave kushtetuese për shpalljen e gjendjes së jashtëzakonshme