Hoti: Besoj në lirimin e shpejtë të ish-krerëve të UÇK-së në Hagë

13:54 | 8 Prill 2026
E.H

Ministri për Punë, Familje dhe Vlerat e Luftës Çlirimtare, Andin Hoti është shprehur optimist për lirimin e ish-krerëve të UÇK-së të cilët për më shumë se pesë vjet janë duke u gjykuar në Hagë.

Këtë deklaratë, Hoti e bëri në mbledhjen e Komisionit për të Drejtat e Njeriut, Barazi Gjinore, Punë, Familje, Vlerat e Luftës Çlirimtare dhe Peticione .

Ai theksoi se çka do që është në kompetencë të Ministrisë që drejton, do të jetë në dispozicion.

“Ata që janë padrejtësisht në Hagë do të dalin të lirë shumë shpejt dhe unë besoj këtë ditë. Çka do që është në kompetencë të ministrisë time, natyrisht do të jenë në dispozicion. Por departamenti që merret me Dhomat e Specializuara është në Ministrinë e Drejtësisë, megjithatë në kompetencë timen, në bashkëpunim me çdo departament natyrisht që do të jemi të gatshëm”, deklaroi ministri Hoti.