Nënkryetari i Lidhjes Demokratike të Kosovës, Lutfi Haziri, është përfolur si kandidat për kryeministër nga kjo parti, pasi kryeministri në largim, Isa Mustafa, konfirmoi se nuk synon kandidimin për kreun e ekzekutivit në zgjedhjet e parakohshme të 11 qershorit.

Haziri, në një prononcim për arbresh.info është shprehur se sot për LDK-në janë interes kapital  koalicionet dhe hapja e listës për emra nga shoqëria civile.

“Emri i të nominuarit bëhet me dije sa të përfundojmë koalicionet,” është shprehur Haziri, për arbresh.info.

Partitë politike janë në vlugun e bisedimeve për aleanca të mundshme për zgjedhjet e  parakohshme të 11 qershorit.

Komisioni Qendror i Zgjedhjeve i ka dhënë afat deri më 16 maj, të martën, partive politike për koalicionet të mundshme parazgjedhore./arbresh.info/