Deputeti i Partisë Demokratike të Kosovës, Bekim Haxhiu, ka kritikuar Lëvizjen Vetëvendosje për agjendën e planifikuar për shënimin e tetë vjetorit të vdekjes së aktivistit të LVV-së, Astrit Dehari.

Haxhiu me anë të një postimi në Facebook, ka thënë se në këtë përvjetor partia në pushtet do të duhej të dilte me zbulimin e të vërtetës për vdekjen e Deharit, përcjell Arbresh.info.

Postimi i plotë:

Shah e ping-pong me Deharin!

Shah, ping-pong e përformanca artistike paska organizuar LVV-ja për ta shënuar 8-të vjetorin e vdekjes së Astrit Deharit.

Si munden aq shpejt ta harrojnë kauzën e tyre, zbulimin e vdekjes së Astritit?

Duke qenë në pushtet më shumë se 4 vjet, në këtë përvjetor do të duhej të dilnin me zbulimin e të vërtetës së vdekjes së tij, jo të organizojnë lojra shahu e pingponu.

Mjaft luajtën pingpong me këtë familje që u manipulua qëllimisht.

Përse në mandatin e tyre humbën mostrat e Astrit Deharit, përse u dogj Instituti ku ndodheshin ato?

Sot para familjes dhe qytetarëve do të duhej këtyre pyetjeve t’u jepnin përgjigje. Besa, edhe shumë pyetje tjera, si ndodhi që të dy djemtë e Avni Deharit të bëjnë vetëvrasje brenda një kohe të shkurtë e që për Arbnorin nuk flitet, as për vetëvrasjen e tij, si ndodhi? Kush e shtyu deri në vetëvrasje?

Mjaft luajtët pingpong me ndjenjat e njerëzve, mashtrues të cilëve po u vie fundi.

Me Kurtin në pushtet Kosova është aq keq, prandaj i duhet një kryeministër si Bedri Hamza për ta bërë./Arbresh.info