Ministrja e Drejtësisë, Albulena Haxhiu, priti në takim përfaqësuesit nga SAEKK III-UNDP, znj. Rrezarta Reka, z. Albert Avdiu dhe z. Dardan Koçani.

Në këtë takim Ministrja Haxhiu njoftoi për së afërmi me ligjet anti-korrupsion, atë të deklarimit të pasurisë dhe draft ligjin për parandalimin e korrupsionit.

Përfaqësuesit nga UNDP shprehën interesim për të dëgjuar edhe rreth prioriteteve duke filluar nga procesi i vettingut, ligjit për konfiskim të pasurisë, mekanizmave kundër dhunës në familje, etj.

Interes i përbashkët u tregua të jenë çështjet që kanë të bëjnë me sundimin e ligjit duke i dhënë përmes kësaj edhe rëndësinë e nevojshme hartimit të koncept dokumentit.

Mbështetje për iniciativat drejt forcimit dhe funksionalizimit të ligjit, u ofrua nga përfaqësuesit e UNDP-së, kurse Ministrja Haxhiu u shpreh e gatshme për bashkëpunim përgjatë sfidave që i presin. /arbresh.info/