Ministri për Evropën dhe Punët e Jashtme të Shqipërisë, Igli Hasani, ka falënderuar homologen e tij kosovare, Donika Gërvallën për mikpritjen duke e quajtur motër dhe mike të shtrenjtë.

Në konferencën për media pas takimit, Hasani u shprehur se është i lumtur që këtë vizitë e ka bërë në një moment pozitiv për Kosovën, e cila ka marr liberalizimin e vizave, raporton Arbresh.info.

“Është një vendim pozitiv jo vetëm për Kosovën por edhe për gjithë vendet e Ballkanin Perëndimor dhe vet Bashkimin Evropian. Është një nxitje e mëtejme në rrugëtimin tonë të përbashkët drejt BE-së”, tha Hasani për liberalizimin e vizave.

Lexo edhe:

Gërvalla takon kryediplomatin shqiptar, diskutojnë për situatën në veri

“Është një turr që ka për qëllim ndarjen e ideve dhe mendimeve mbi punën që duhet bërë të gjithë së bashku për të mirën e rajonit dhe të mirën e qytetarëve tanë, për të forcuar bashkëpunimin dhe projektet e shumta mes nesh por edhe integrimin në Ballkanin Perëndimor në hapësirën euroatlantike”, u shpreh ai.

“Ne kemi dënuar ashpër sulmin e orkestruar e të armatosur kundër Policisë së Kosovës me 24 shtator në veri të vendit. Ky sulm ishte një akt kriminal dhe i rrezikshëm terrorist kundër stabilitetit, integritetit, pavarësisë ligjit dhe rendit të Kosovës. Sulmi ishte një kërcënim i rëndë për stabilitetin e të gjithë rajonit tonë me pasoja të drejtpërdrejta. Autorët, organizatorët dhe nxitësit e këtij akti duhet të mbajë përgjegjësi dhe të dalin para drejtësisë sa më parë. Është e domosdoshme për të mos lejuar përshkallëzim të mëtejme të situatës”, tha Hasani para mediave.

Hasani ka bërë të ditur se Shqipëria është dhe do të vazhdoj të jetë përkrahëse e fuqishme e dyerve të hapura për njohjet e Kosovës, anëtarësimin e saj në organizata ndërkombëtare dhe integrimin në NATO.

Ai po ashtu tha se i ndjekin me vëmendje të gjitha zhvillimet që ndodhin në Kosovë./Arbresh.info/