Deputeti i Partisë Demokratike të Kosovës përmes një statusi në profilin e tij në facebook ka kujtuar komandantin legjendar Adem Jasharin.

Ai ka shkruar se nuk ka asnjë foto me të, mirëpo e ka të gjallë në mendje, shkruan arbresh.info.

“Eh, liria i ka rrënjët në gjak, kështu na thoshte bac Shabani, dhe se si duhet e vdiset për atdhe !”, ka shkruar Hasani.

Postimi i tij i plotë:

“Një kujtim pa foto,

Adem Jasharit

Nuk kem foto bashkë bac, po une të kam të gjallë në mendje, në kujtimet e mia edhe njëzetenjë vjet pas, si sot kur ishim bashkë në odë e në aksione.

Unë isha aty, me bacë Shabanin te oxhaku, me ty, Adem e Hamzën përball, Sahitin e tjerë në sofër ndanim bukën bashkë, ku ideali për liri na bashkoi e lufta na mban ende gjallë në këtë copë lirie,

në gjysmë trollin tonë.

Eh, liria i ka rrënjët në gjak, kështu na thoshte bac Shabani, dhe se si duhet e vdiset për atdhe !

Përvjetorët na kujtojnë betejat, flijimet dhe rrugët për liri, që kaluam, në çdo cep të atdheut të larë me gjak !

Lavdi dëshmorëve !”, ka shkrua ai në facebook.