Kryeministri Ramush Haradinaj, gjatë një bisede më përgjegjësen e kompanisë “NEWKO Balkan”-Suharekë, Merve Yilmaz, ka premtuar së Qeveria e vendit është e përkushtuar që të ndihmoj në vazhdimësi  prodhuesit vendor për evitimin e barrierave.

Haradinaj këtë e ka bërë të ditur përmes një postimi në facebook.

Postimi i plot:

“Lirimi i bizneseve nga detyrimet e shumta fiskale në importin e materialit riprodhues, pajisjeve dhe teknologjive për prodhuesit e vendit, e kanë bërë Kosovën ambient shumë të përshtatshëm biznesor.

Me përgjegjësen e kompanisë “NEËKO Balkan”-Suharekë, Merve Yilmaz, biseduam për zhvillimin e mëtejmë të industrisë së gomës, për evitimin e barrierave eventuale në tregun vendor, si dhe për përmirësimin e pozitës së prodhuesve nga Kosova në vendet anëtare të CEFTA-s.

Qeveria do të vazhdojë t’i mbështesë prodhuesit dhe të ndërmarrë masat e nevojshme që ata të jenë të barabartë në tregun rajonal dhe të Bashkimit Europian”, ka shkruar Haradinaj./arbresh.info/