Kryetari i Aleancës për Ardhmërinë e Kosovës, Ramush Haradinaj ka vizituar familjen atdhetare Krasniqi në Grabanicë të Klinës.

Këtë vizitë Haradinaj e bëri në Ditën e Veteranit, transmeton arbresh.info.

Përmes një postimi në rrjetin social Facebook, kreu i AAK-së ka ndarë medaljen “ME BESIM NË ZOT, ATDHE E SHTET”, për Rifat Krasniqin dhe Post Mortem për Arben dhe Shaqir Krasniqi për kontributin e dhënë në çështjet kombëtare.

Haradinaj në fund ka falënderuar familjen Krasniqi për mikpritjen.

Postimi i tij i plotë:

Në Ditën e Veteranit, kam vizituar familjen atdhetare Krasniqi në Grabanicë të Klinës, e cila dha kontribut të pashoq gjatë luftës.

Me këtë rast, kam ndarë medaljen “ME BESIM NË ZOT, ATDHE E SHTET”, për Rifat Krasniqin dhe Post Mortem për Arben dhe Shaqir Krasniqi, për kontribut të jashtëzakonshëm në çështjen kombëtare.

Familjen Krasniqi, e falënderoj për mikpritjen!

U bashkofshim përherë në gëzime!/arbresh.info/